KAT-TUN

剛剛看完KAT-TUN Live 海賊帆, 感覺幾個小朋友原來都幾得. 製作認真, 絕無冷場. 除0左我完全無興趣既K・亀梨和也同我鐘意既A・赤西仁外, 其餘四位(T・田口淳之介 T・田中聖 U・上田竜也 N・中丸雄一)都各有所長. Rap, 跳舞, 表演口技等等, 將來絕對有能力超越SMAP!

我感冒了!

假期完了, 旅行完了, 喪食完了, 當返回工作崗位時, 我帶多了一樣手信 ~ 感冒菌!!!

台北四日三晚 之 Day 3 ~ 鼎泰豐, 冰館, 阿爾卑斯花園, 一茶一坐, & Wasabi

瘋狂購物後, 彈藥用得七七八八, 洗淨NT$2***幾, 不過好彩要買既都買曬. 剩底既得食, 食同食. 好彩大部分行程之前已經去曬, 因為今日落大雨, 去邊都有困難. 香港出發時我係完全冇想過帶遮, 好彩驚High日有得借, 解決0左我0既需要, 如果唔係就變落湯雞.
我每次0黎台北都必會食鼎泰豐總店0既小籠包. 過去經驗話我知, 唔想等位, 就一定要喺十點半前到, 要早過d日本遊客至得. 平時0黎台北好少搭的士, 今次因為落大雨, 我哋都經常分兩架的士去我哋要0既地方. 食完小籠包, 就當然要去埋永康街後面0既冰館啦. 前兩次都食唔到0既芒果冰, 今次食到啦!!!


食完冰之後, 我哋冇比佢停, 行行0下就入0左一間好可愛既茶館. ｄ花茶名仲好抵死. Gloria 飲個杯叫"成功戰痘茶", 話可以對ｄ痘痘有幫助, "真的還假的!!!" 飲完花茶就比個肚休息0左片刻, 行0落東區地下街hea! 之前睇書仔介紹, 忠孝敦化0既"一茶一坐"環境幾好, 我好想去. 結果 Gloria, Annie and Connie 都好有義氣咁陪我去"得一得". 台灣0既珍珠奶茶真係好味d架, d珍珠非常軟 ~ "QQ的".

夜晚個餐重頭戲係喺台北101 o既 WASABI ~ 一個字 ~ "低".

台北四日三晚 之 Day 2 ~ 九份, 基隆市, 深坑, 光華, 台北車站, & 西門町

數數護照d印仔, 再加埋之前個本, 今次已經係我第六次0黎台北. 從前都係因為認識Susan, 佢介紹我睇我猜, 大哥大 同【流星花園】, 漸漸開始愛上台灣哩個地方, 人, 小食, 同文化. 真的很不錯! 由第一次Susan全程翻譯, 到0衣家識殺價, 全靠台劇 & 台灣综藝!!!
去年一行六條女大膽地cold call0左一個接機叔叔, 半夜三更仲要佢車我地去泡湯. 這位陳先生非常好人, 好爸爸feel. 不時建議要小心. 親切友善印像深刻. 今次Gloria 話要去九份, 雖然我已經去過四次, 不過每次都係有人車, 如果要問我點坐公車去, 真係考起. 唯一能想起既就係call陳先生車我地去. 0800出發, 準時到爆...好似佢仲早到半個鐘!

去九份真係好難遇到好天氣, 尋日落機, 又熱又曬. 今天就由尋日既32度下降到19度! 天陰陰, 落毛毛雨 (去年三月一班同事托福, 是我去五次九份唯一一次陽光普照). 阿柑姨既芋圓同地瓜圓, 係我每次必食既. 悲情城市聞名既石級, 係每次必行既!

出發時間早, 行飽, 食飽, 影飽, 人潮開始多時, 我地已經可以離開. 九份離基隆市只需要半個鐘, 無理由唔去百年老店李鵠餅店買鳳梨酥!!! 之後再去埋深坑食豆腐三吃, 土雞同大白筍, 炭燒豆腐軟雪糕 ~ 新奇Yummy. 吃喝名產後, 返回台北新光華掃埋d尋日買唔到既【惡作劇之吻】& 好些日劇. 睇到【流星花園】DVD, 無理由唔掃埋收藏!!! 包起0左陳先生一day, 再一次滿載而歸. 唔同既係一袋二袋既手信可以放喺車. 陳先生好客程度一百分, 服務態度認真 ~ ichiban!!!!!! 最後一站番到西門町, unload 哂d戰利品喺Gloria住既東龍飯店.


話明行程緊密, 緊係唔好比佢停, 無車就行. 原來台北車站既光南大批發同西門町好近, 行少少就到. 可能因為喺新光華睇得太多, 無特別驚喜! 反而逛0左去太平洋Sogo買天仁茗茶. 行行0下, 忽然落大雨. 我地hea0左喺Seven買左便利雨衣. 一行五個黃色雨衣怪客. 十足十SARS期間既A1夫人! 晚餐就係例牌既阿宗麵線 & 一堆街邊熟食!

台北四日三晚 之 Day 1 ~ 新光華, 五分埔批發, 美麗華百樂園 & 士林夜市

一落機, 因為行程緊密, 二話不說, 九秒九極速咁過關...坐上架大有巴士去驚High日. 一個鐘都唔駛, 兩點左右就到達. 可能因為無mud人搭去驚High日. 台北驚High日d Reception無香港個D咁吋, 非常好人同有禮貌. 可能之前 block 比我間房未得. 聽到佢緊緊張張咁打電話叫人入果. 不過佢就應該 dum 0下我波鐘先, 事關當我上到房既時候, 個掃把仲喺間房到妖樣. 攪到我唔好意思行入去, 仲徘徊0左喺條走廊到....今次一個人住, 所以訂0左一張 King Size 床既房, 連個 view 都唔同 ~ 對住個游泳池 (之前次次都係對住台北101).

放低行李之後, 就匆匆忙忙去光華巡事一 0下業務. Amy話帶我去一間價錢仲平既店到買日劇. 準時去到捷運忠孝新生站等. 好彩事先約0左枝盲公竹, 如果唔係新光華都幾難找! NT$150一咁平, 真係無介紹錯. Amy有時間, 同我去埋五分埔批發逛逛. 有個本地人講0下價係唔同d, NT$2000就可以買到七件新裝!!!
速戰速決, 三個鐘就滿載而歸 ~ 返驚High日unload一 0下d戰利品! 夜晚1830hrs約0左 Gloria, 奶奶, 阿丁, Annie (之前一齊去過東京個幾個) and Connie 去美麗華百樂園同士林掃街喪食. 一入捷運閘, 就見到 Gloria 佢地都係剛剛入閘...時間 arm arm 好!!!

美麗華個摩天輪好多人排隊, 我地就好似走馬看花咁影幾張相就pit. 去士林就一定要食豪大大雞扒, 不過今次就可憐d. 唔食辣既我唔知Gloria叫少辣 ~ 我個嘴即刻變0左孿潤腸. 再加埋十全大補湯同官財板, 熱氣死啊! 原本仲要食多一餐火煱, 不過因為山路偏僻難找, 最後放棄返歸!!!

風光不再

好似親戚到咁, 差唔多得一個月一劑先可以同Cherry拍更. 今日放工去0左淺水灣日本料理放提. 碟頭滴滴飾飾, 選擇又唔數多! HK$199 咁0既價錢, 應該可以唔需要山長水遠入去食! 仲有啊, 都未聽日本料理收茶錢, 仲要成十蚊添!!!

我以前好喜歡去赤柱同行0下淺水灣酒店, 沙灘. 今晚感覺這裡今非昔比, 好冷清!

大頭蝦!?!

Sorry, 係一頭大蝦!!!! 今日放假約0左Gloria去Time Square The Sun食晏, 講0下台北之旅! Gloria推介0既牡丹蝦係我食過最大0既! 果然係珍寶啊!!! 仲可以一蝦兩吃, 絕對唔係北京填鴨專利~~

明星面

今日費先生又番0黎按摩, 同樣都係book左男師夫. 可能貪男師夫力水好D, 不過就有D懷疑佢係唔係對女人無興趣 :P
上次佢係喺夜晚0黎, 睇唔清楚佢個樣. 咁話曬佢都係應該係一明靚仔, 又係陶子0既超級偶像...唔知點解, 日光日白睇, 佢個樣好唔得! 皮膚好鬆, 好老! 45歲姐!?! 唔通鬼老真係老得快D? 佢係半個jiwor? 明星唔係應該好識得保養麼?
Jana仲離普, 話佢塊面白到好似喺水到浸0左好耐 ~ 真衰!!!

悲しみにさよなら - 練歌

悲しみにさよなら
(kanashimi ni sayonara)
作詞　松井五郎 作曲　玉置浩二 唱　安全地帯
泣かないでひとりで　ほほえんでみつめて
nakanaide hitori de hohoende mitsumete
あなたのそばにいるから
anata no soba ni iru kara
夢にまで涙があふれるくらい
yume ni made namida ga afureru kurai
恋はこわれやすくて
koi wa kowareyasukute
抱きしめる腕のつよさでさえなぜか
dakishimeru ude no tsuyosa de sae nazeka
ゆれる心をとめられない
yureru kokoro wo tomerarenai
でも　泣かないでひとりで
demo nakanaide hitori de
ほほえんでみつめて
hohoende mitsumete
あなたのそばにいるから
anata no soba ni iru kara
唇をかさねて たしかめるのに
kuchibiru wo kasanete tashikameru noni
夢の続き捜すの
yume no tsudzuki sagasu no
うつむいてひとつの夜にいることも
utsumuite hitotsu no yoru ni iru koto mo
きっとあなたは忘れている
kitto anata wa wasurete iru
もう 泣かないでひとりで
mou nakanaide hitori de
ほほえんでみつめて
hohoende mitsumete
あなたのそばにいるから
anata no soba ni iru kara
悲しみにさよなら　ほほえんでさよなら
kanashimi ni sayonara hohoende sayonara
愛をふたりのために
ai wo futari no tame ni
泣かないでひとりで　ほほえんでみつめて
nakanaide hitori de hohoende mitsumete
あなたのそばにいるから
anata no soba ni iru kara
悲しみにさよなら　ほほえんでさよなら
kanashimi ni sayonara hohoende sayonara
ひとりじゃないさ
hitori ja nai sa
泣かないでひとりで　その胸にときめく
nakanaide hitori de sono mune ni tokimeku
愛をかなえられたら ai wo kanaeraretara
飾らないことばで　なくせない心で
kazaranai kotoba de nakusenai kokoro de
ひとつになれる
hitotsu ni nareru
Don't cry alone, it's fluttering in your heart

泣かないでひとりで　ほほえんでみつめて
nakanaide hitori de hohoende mitsumete
あなたのそばにいるから
anata no soba ni iru kara
悲しみにさよなら…
kanashimi ni sayonara...

金色打做

我0既好朋友, 大波士去完泰國番0黎. 今日送0左罐世界杯特別記念金裝可口可樂氣水罐比我. 顏色配搭好靚. 佢一年去泰國0既次數, 多到就好似人地北上番鄉下咁. 上次阿旭個set Oral B 杯都係佢幫我搜集番0黎的.

有人收集 Starbucks Tumbler, 我就從細就收集可樂罐!!! 哇哈哈!!!!

多謝曬!!!

有朋自遠方來

今日放假, hea 0左喺觀塘apm一day! 原因係契爺契媽都從溫哥華返0左0黎香港. 陳Sir 同陳師奶約埋蘇伯伯 蘇Auntie飲茶. 佢地係陳Sir以前喺非洲做0野0既工作伙伴, 認識越過三十年, 睇住我大! 指定問題, 去到坐低第一時間就比佢地問有無拍拖有男朋友有無? 救命啊 ~ ^_^ 其實我都明白佢地喺想我地這代開開心心, 有個自己0既家, 有下一代. 佢地個個大部分都已經做0左爺爺嬤嬤外公外婆, 只剩陳Sir 同陳師奶. 不過佢地亦應該明白這個東西是無法強求!!!

Lunch 後, 大家一起返蘇Auntie屋企, 其中陳Sir, 蘇Auntie, 契爺同契媽就坐低攻打四方城! 蘇伯伯, 陳師奶同我就睇報紙電視. 開著冷氣, 蘇Auntie張沙發又特別軟, 舒服...睡意棉棉, 境然眼訓訓著0左! 訓醒之後就同陳師奶hea0左去 apm food court 到食西貢滿記甜品!!! 數小時後, 慢無目的咁掃曬數層apm. 其間個大電視播番上次四仔喺果到開0既記者會. 我想要影張靚仔相, 個食蕉就話唔比影, 真係氣頂 ~ 走!!!

一輪四方城戰爭打落0黎, 蘇Auntie不但要提供戰場, 仲要請食晚餐!

誰最愛你 & 悲しみにさよなら !?!

vanness喺F4 concert 唱的歌:

誰最愛你 (原唱者日文係玉置浩二向悲傷說再見)
曲：玉置浩二 詞：向雪懷 編：盧東尼

始終不可以詐作不知
始終不可以從頭開始
我的心底還是不竟有愛意

*我永遠也是甘心的等你
每每卻暗自記起 曾和你每晚夜擁抱一起
一切也為你 真不敢相信你是你是有心
玩弄愛情 每當想起為何仍是愛你*

我知 始終不可以與你一起
始終不可以對你心死
人是清醒 還是不竟太愛你

*Repeat*

始終不可以再有開始
始終不可以忘懷往事
創傷的心 還是不竟有愛意
可知多需要與你一起 天天都需要你我一起
情盡於此 還是不知我愛你

Gloria, 一起練o下首日文歌去唱K

【人魚朵朵】

今日放工去睇【人魚朵朵】, 徐若瑄好靚, 佢0既美腿同美麗0既鞋, 真的很好看! 套戲利用0左童話0既方式，敘述一個女人對鞋0既熱愛. 片中每一對鞋，都經過特效處理，有生命，會哭、會笑、會撒嬌、會鬥嘴……，巫婆不再邪惡，賣火柴0既小女孩成為扭轉生命奇蹟0既小天使. 一個顛覆童話傳統, 很簡單0既童話故事, 卻充滿了幻想.

微笑牙醫Duncan也好可愛. 比起【17歲的天空】 明顯進步了. 感覺最難忘是當朵朵發現又失去了行走的能力，壓抑著悲痛，直到老公幫她洗頭時，才哭了出來. 在日常生活中，很多幸福都是得來不易的，當你失去了，才知道該珍惜. 當現實生活太沉重時, 不防走入朵朵0既世界去發o下夢, 讓她帶給我們滿滿的幸福.

南亞 1964!?!

今晚晚飯約0左 Gloria, 奶奶, 丁丁, Carmen....等等!!! 一坐低, 大家就好似玩交換禮物咁, 你比我, 我比佢...比來比去! 奶奶比0左張福山雅治0既相, Gloria 派 Caltrate 收甲護理套裝 (真係幾得架, 仲有賣廣告嚴疑), Annie 幫我買0既孝天相...D相好靚! 食物應該唔係重點, 重點係出0黎吹0下水, 念0下下餐食mud. 好快我地又一起去旅行, 目的地係台北! 一個字 ~ 食!!!

啊! 今日終於dick起心肝訂飛機票. 起初叫陳Sir 幫我去問價錢. 果個人話復活節後好多人去旅行. 所以起碼都要 $1700+. 比我預期貴! 忽然醒起找上次幫我訂日本旅果個 Kit....Group ticket 連附加費都係 $1520 jar!!!

下一個就要 plan 九月尾返加拿大同book 定 comp 房去夏威夷!!!

節省了三百蚊船飛

今日係清明節, 公眾假期, 條街應該擠滿人! 好奇怪, 收工去尖東同陳Sir 同陳師奶行o下街仔, 成區D鋪頭靜到嘔茄!!! 未到六點, 大家都肚餓, 所以行o左去四太0既澳門茶餐廳食晚飯. 點o左三隻菜, 全部都係澳門地道美食. 又平, 又大碟, 又好味!!! 好過比三百蚊船飛而食D差無幾0既0野!!!

芳香撲鼻

Issey Miyake 喺我心目中0既地位真係無法代替!!! 佢隻男妝香水就係我0既致愛. 唔知幾時開始, 佢逐漸進佔我0既日常生活同荷包? 每季佢都會出D限量版香水. 尋日行過西武, 見到今季0既特別版好吸引, 男妝個隻就用0左我最喜歡0既蘋果綠....正到暈啦!!! 今日收工拿拿聲行返去西武買曬佢. 原本念住正係買兩樽特別版, 點知個 Sales 話買滿 $1000.00 可以減$100再九折. 意外地比我買埋之前已經賣曬0既限量版蠟燭! 結果加埋增品, 滿戴而歸!!!

山長水遠

今日放假, 又約0左Cherry同Apple姐懶好情調咁去赤柱食晏. 由尖東坐973, 經廣東道, 西隧, 薄扶林, 黃竹坑...坐0左成個鐘至到. 唔知有邊間餐廳特別好食, 終於都係選擇0左以前食過0既 Wildfire. 坐低就 order 0左個 Lunch special (有salad & pizza), 雞翼同義粉. D0野食水準有番咁上下.


食完晏, 原定影相0既計劃都無做到, 因為周圍都有工程! 步行去遊客觀光必到0既市集走走, 但又無o野 arm. 念唔到去邊, 想睇徐若瑄0既《人魚朵朵》, 去到銅鑼灣先知套戲未上. 最後上0左去Green Box 唱o下K.


夜晚食飯就約0左陳Sir 同陳師奶.

Jay, 你Daddy 問你喜歡黑定白wor?