Kangta & Vanness

VANNESS & KANGTA [SCANDAL] 香港宣傳
7月29日(星期六) 活動 - apm x 中韓跨國巨星SCANDAL音樂聚會
地點 - 觀塘APM 時間 - 下午 參加辦法 - 從即日起可到各大唱片舖購買付有PASS的香港版專輯, 即可參加 備註 - 原定的握手會已改為簽名會

《最愛深情密碼》仔仔、賴雅妍 寫真書＆原聲帶 簽名會
時間：7月29日(六) 下午1：30開始 出席：仔仔、賴雅妍
地點：微風廣場戶外廣場 台北市復興南路一段39號 (面市民大道旁)

如果以上兩個宣傳活動比我選擇, 我會寧願去見仔仔. 尤其係因為阿仔套深情密碼實在太正! 可惜我冇得飛去台北, 為有支持吓阿V啦! 返0黎香港0既其中一個目的就係為0左親近吓四仔, 我係唔會放過每一個機會0既!!!
一早request今日放假, 約0左Gloria五點去食野先, 之後落food court對面睇Kangta & Vanness入場, 又唱又跳. 佢地唱0左兩首主打歌"Scandal"，同"127日"。 其實Kangta都幾靚仔, 好好人. 唔知係唔係韓國唔多興攪簽名會, 不時見安七炫fing晒手傻笑, 都幾可愛! 佢唱歌真係好好聽, 把聲好響亮同靚. 我同Gloria都算好彩, 排到我地簽完唔夠10分鐘, 安七炫就要趕11:30pm飛機返韓國. D買左碟又排0左好耐隊既 fans 就好可憐兼激爆!!!

放假休息唱K~

今日放假休息, 同Karen表妹走0左去隔離富豪0既Neway唱K. 兩個幾鐘, 全程只點國語歌, 盡情享受. 平時同同事去唱K, 多數都係去紅綠盒, 好少歌適合我個Channel, 除0左去錢櫥台北之外, Neway都算多台灣國語歌lu. 除0左唱歌之外, 當然就係勁睇MV啦!!!! 全部D元暢啊, 小美0既MV都比我地點晒…哈哈~~

保齡~保齡~我摯愛0既運動!

大熱天時, 不喜歡流汗0既我, 唯一會做0既運動, 就係打保齡. 曾經每星期最少都打一次0既我, 最高分打超過二百多. 0黎到香港之後, 就連呢個唯一運動都少做lu. 主要原因係無私家ball同鞋.
今日day off, 剛好最近我有壓力, 需要發洩發洩. 去0左富豪打打佢! 雖然唔高分, 但可以發洩到我心中0既怒火. 下次希望打得好D!

令人失望的人 - 我明講你啊!!!

喺驚High日做0左兩多年, "軍月"溫情就 feel 唔到, 相反我就有一種"萬箭穿心"0既感覺. 曾經有一我帶入驚High日0既高層話我肯定唔習慣香港0既文化. 我覺得我唔係唔習慣香港0既文化, 而係唔習慣驚High日0既文化. 有d人外表好似好好人, 斯斯文文, 客客氣氣. 但其實佢就非常自私, A字膊同黑心. 同佢無仇無怨個喎, 但佢唔知點解, 鐘意打小報告, 做埋好多小動作. 自己無料0米認0左去囉, 最基本瑞典式按摩都唔識解釋? 都做0左兩多啦, 唔識答個mystery shopper, 都應該識對住個menu答啦!?! 如果你覺得你仲有面子留低做個得個殼, A字膊同鐘意打小報告0既副手!!! 你可以繼續打我小報告, 但我識0既始終比你多, 經驗比你多, 英文一定好過你! Remember, I have no interest in competing with you and please freakin leave me alone!

シャーロットサンド (Charlotte)

今晚放工去0左七仔買聽日早餐, 無意中比我發現有一個用我個名o既蛋糕三文治! D日本人咁得意o既, 我個英文名都唔普通架, 對佢地0黎講有特別意義? 聽日試0下好唔好食先!!!

《Superman Returns》&《S.H.E移動城堡世界巡迴演唱會》

超人-強戰回歸! 記得細細個就追睇 d Superman電影, 我更加懷念Christopher Reeve既超人~好型好靚仔. 最令人回味超人的配樂. 時至今日, "The man of Steel"...已經除著年代改變, Christopher Reeve 的離去, 而更換人了. Brandon Routh 都做到superman個種感覺. 27齡既佢, 青春無敵, 皮膚好好, 靚仔到似電腦效果做出0黎! 雖然我仍然比較鐘意Christopher Reeve 既超人, Brandon Routh 都唔錯!! 值得一睇, 係不俗的一套電影!


http://supermanreturns.warnerbros.com/

【S.H.E移動城堡演唱會】繼上海後終於來到香港！S.H.E的演出精采. 一開場, S.H.E身著英式風格的軍裝豋場, Ella的鼓很可愛!!! 實在太high了！第一次看見Selina跳這麼sexy的舞蹈，hebe打鼓太強了，ELLA也彈琴秀一秀! 特別來賓是新生代創作小霸王TANK, 張智成 & 周杰倫. 周杰倫以鋼琴為S.H.E伴奏、合唱『熱帶雨林』，另外還帶來『髮如雪』, 精采萬分!!!!!

私房菜&銅鑼灣奇遇記

難得返0下早, 當然要把握機會參加 Gloria d 廖太聚會. 再加有好0野食, 冇理由拒絕! 所以今晚同班廖太去食法式私房菜. 真正的法國大餐~六個courses, 非常美味!





Snack & Refreshment
Goose Liver with Apple
Cream of Baby Oyster
Sauteed Crabmeet in Puff Case
Ice Strawberry
Waguy(和牛)M12 Rib Eye
Warm Chocolate Pudding with Lobster Ice Cream
Coffee or Tea
Cookies

食食0下, 大家就講起銅鑼灣d奇遇. 原來大家都有比過一個笨拙, 操不流利廣東話o既女人"讚"著衫好睇, 然後佢就有批衫想找人試著. 每人都有用過唔同方法灑佢. 我就比較簡單直接, "唔得閒". Carmen就因為比佢連環兜搭, 所以就倒轉追返佢, 問佢認唔認得佢 & 話佢冇理由唔認得佢. 因為幾分鐘前個女人已經"讚"過! 哈哈~~我0既好朋友大波士就仲攪0野, 個女人一開始講"小姐...". 大波士就 話"得~你唔使講, 我幫你講. 你覺得我著衫好睇, 有批衫想我試著.....", 完全講曬佢d對白, 嚇到即刻扮問路, 走!

大波士仲有好多攪笑招式, 例如扮自由行, 聾啞, 扮ABC同佢"Hey man, yo yo yo" 一番! 下次大家試試啦!!! 如果有人兜搭你, 叫你申請信用卡, 不防學佢扮聾啞, "EE ah ah" 比手勢!!! 哈哈~~