尋得合適的枕頭

如題~上星期放假, 同廖太出銅鑼灣食lunch後, 奶奶介紹0左我同阿丁去Sogo買佢話好正0既枕頭。當場試一試, 真的不錯呢! 又減價, 好想即刻0左買佢. 可惜當時無貨, 要等佢返貨. 奶奶好好人, 幫我0地留電話, 貨到仲幫我買埋再另加5%折扣(笑)! 用0左幾日, 頸不會再痛呢!

台灣手信

Cherry 同 Jana 都先後去完台北, 佢兩個都帶0左手信比我. 其中九份0既李儀餅店0既鳳梨酥就最適合我。 好耐無去台灣, 羨慕佢兩個哦! 本來Jana從沒想過去台灣架, 係我提議叫佢去墾丁玩既。 Jana係屬於陽光海灘形, 咁我最近又迷上0左睇棒棒堂同吳尊. 不約而同吳尊就為0左飛輪海0既寫真集去0左墾丁取景, 棒棒堂其中一集又介紹0左墾丁好多好玩0既地方. 雖然自己未有機會去, 但仍想身邊有人可以去體驗一下。 結果我無介紹錯, Jana 佢境然比台灣人0既真誠&熱情融化0左。 哈哈哈...又多0左個台灣 fan啦。

飛輪海 寫真集《海角一樂園》

今日終於收到尋日(20/6)喺台灣正式發售正式發售寫真集~《海角一樂園》. 博客來網路書店真係幾得架! 香港都要7/1至有得賣, 又唔使排隊, 仲送到你公司或你家門口!!! 聽聞正係預訂已達7萬本,真係手快有, 手慢無!!!

端午節

離家三年，每逢過節都會特別想家，感覺特別孤單寂寞。 適逢每年0既端午節， 我媽媽都會包0的好好味0既上海鹹肉粽。 過去0既幾年， 都係同事Mike(女)請我食0既。 但由於口味過於豐富同料太多0既問題， 始終感覺唔同。 今年可能係三年之癢0既關係，我特別想食媽媽親手包的粽，簡簡單單，由細食到大。 但媽媽係加拿大咁遙遠， 要食媽媽親手包的粽是絕對沒可能! 唯一想到的就係去老三陽買佢0既上海鹹肉粽。 味道當然無我媽媽的好，有點兒太油膩，但已經係最接近的了。