又係迪士尼

待續...

電腦出院, 十個煩

百毒入侵 遭受襲擊 緊急入院 住留治療 一筆out消 無得留低 從新開始 防毒裝置 成為一千 不負責任 …….

王力宏《蓋世英雄香港演唱會》

.....吳建豪任演出嘉賓唱出《零時差》.........持續

香港迪士尼玩後感

下列是 8/23的記錄…因為當日我的電腦留院中，
今日係大波士0既生日, 幾個星期前已經答應陪佢去迪士尼玩. 申請假時A字膊副經仲比說話我聽話 ~ “太多request啦!”. 一日就話, 擺明針對我.
原本約大波士十點鐘喺迪士尼欣奧站門口等. 點知唔知醒, 訓到十點幾前幾, 之前一路都返晚, 三個鬧鐘響0左都唔知. 突然驚醒 ~ 即刻打電話比波士講對不起. 所以結果波士去0左迪士尼酒店飲咖啡hea, 我就要飛奔趕入去.
我到達迪士尼0既時候正好係烈日當空! 我0既心情好興奮, 因為難得一大早就可以出0黎曬0下太陽, 吸收維他命D. 我喜歡曬黑D. 但不久, 一個令人震驚0既情境出現0左喺我眼前. 一片0姐(傘)海. 全世界最細0既迪士尼, 無0野多, 最多0既就係 ~ 傘. 去到法國, 日本, 洛杉磯, and 佛羅里達州 加起都無咁多. 怕曬就唔好出0黎啦!!! SKII好貴架, 有”姐”都無用架!!! 阻住”曬”. 攪到我行到邊都要好似跳緊凌波舞咁避閃.

待續...

爸爸生日快樂~~~

今日係我親愛0既Daddy生日, 祝您身體健康，事事順利，龍馬精神，年年有今日，歲歲有今朝，福如東海，壽比南山，心想事成……財神天天追著你!

“長長的距離，長長的線，長長的時間抹不斷，今天是你的生日，遠方的我一直在掂念著你.”. 我打電話比你你唔得閒 ~

“沒有五彩的鮮花， 沒有貴重的禮物,沒有興奮的驚喜，只有輕輕的祝福,祝你生日快樂!” 我冇準備禮物, 下個月返0黎補~

上個月你農曆生日, 我有生懂性以來第一次唔記得, 請原諒我 ~哇哈哈~~~

我的第一次Complete 0既沁園Outing ~

今晚係沁園一年一度 department outing, 亦係我差唔多三年以來的第一次參與得最Complete 0既. 前年去打邊爐, 我收十二點, 趕到去, D 同事都”閃”0 左九成, 老細等埋單. 舊年去唱K, 我又收十二點, 趕到去隊0左枝啤酒, 就曲終人散. 今年有人涼心發現 or好心可憐我 , 我終於可以收早 D D, 比我參與.
今年玩新花腎, 去唱K, 打保齡 - 開正我個飯 (保齡). 幸運地我最高分, 得到去四季做 Spa 0既禮券, 不過係臨時0既, 希望到時可以對現啦!!!!!!

蓋世英雄到來

今日又見多一個明星la. 暫時還不能說他是誰...總知我星期六會去花錢遠距離見他和他的好朋友

死亡筆記

之前Gloria極力推薦我睇這漫畫, 所以好期待套電影. 今朝一早起身get ready 去Palace APM睇. 本來想睇1450hrs個場, 點知全場爆滿, 為有hea到改睇1710hrs. 超讚!!! 雖然同漫畫有D唔同，夜神月多左個女朋友, 到0左後面佢又比南空直美殺0左…又改得幾好 (南空直美個槍真係好驚嚇!) 死神流克又整得好真！L一出場個時真係好好笑！
電影0既最後L拿著卡樂B薯片係阿月面前出現…頂癮…超期待下集呢！

日文官方網站
http://wwws.warnerbros.co.jp/deathnote/

美少年之戀 (Bishonen)

講緊係吳彥祖! 仲記得1998年0既<<美少年之戀>>, 第一次睇完就喜歡了當時飾演Sam的吳彥祖. 再加李玟0既主題曲【答案】真係難忘. 試問演藝圈又有幾多個又有樣, 又有身形(超迷佢個六個櫃桶), 同又有學識 (一個建築師)??? 身為佢0既忠實粉絲, 佢做0既戲, 我睇過八九成, 冇睇過0既都係因為套戲太”蘭” 或者有楊千”Fa”. 今晚終於比我見到佢真人. 僅僅幫佢開門出去食燒烤buffet 就已經夠興奮! 同行0既全部清一色男仔(有唱歌超好聽0既尹子維). 最驚喜0既係佢食飽飽後, 臨走仲同我講拜拜添, 真係好nice!
返0黎香港後, 又見多一個明星lu~~~