香港迪士尼玩後感
下列是 8/23的記錄…因為當日我的電腦留院中，
今日係大波士0既生日, 幾個星期前已經答應陪佢去迪士尼玩. 申請假時A字膊副經仲比說話我聽話 ~ “太多request啦!”. 一日就話, 擺明針對我.
原本約大波士十點鐘喺迪士尼欣奧站門口等. 點知唔知醒, 訓到十點幾前幾, 之前一路都返晚, 三個鬧鐘響0左都唔知. 突然驚醒 ~ 即刻打電話比波士講對不起. 所以結果波士去0左迪士尼酒店飲咖啡hea, 我就要飛奔趕入去.
我到達迪士尼0既時候正好係烈日當空! 我0既心情好興奮, 因為難得一大早就可以出0黎曬0下太陽, 吸收維他命D. 我喜歡曬黑D. 但不久, 一個令人震驚0既情境出現0左喺我眼前. 一片0姐(傘)海. 全世界最細0既迪士尼, 無0野多, 最多0既就係 ~ 傘. 去到法國, 日本, 洛杉磯, and 佛羅里達州 加起都無咁多. 怕曬就唔好出0黎啦!!! SKII好貴架, 有”姐”都無用架!!! 阻住”曬”. 攪到我行到邊都要好似跳緊凌波舞咁避閃.
待續...
posted by Salad @ 11:28 p.m.
5 Comments:
你部腦唔係又中木馬毒呀？!
我部腦中o左Trojan木馬毒，唔通你又係？
What kind of diease is that? I don't know what it had but it was bad it enough to make it can't get online! It cost me $1xxx to fix!
Seems its a virus that you get from just opening IE. A few of my fds got that recently!!
雖然已經隔咗咁多日，因為同事C嘅電腦入院，所以我留唔到言比佢！
首先好多謝同事C 獻出佢寶貴嘅一天假期，精神，時間，體力，汗水，犧牲咗佢嘅瞓覺時間，嚟同我喺迪士尼樂園慶祝生日！ 當日好多 Made in China 嘅遊客，加上本地一家大細，人都幾多，好彩每個 game 唔駛等太耐，我哋有一套獨特嘅排隊解悶方法 – 講公司某啲人嘅是非！ 嘩 ~ 講一陣間之嘛，就輪到我哋玩啦！ Space Mountain 一啲都唔刺激，我同同事C一啲都唔驚，反而覺得座位後面對『死發Mo』喇叭嘈到爆炸，前面件仔不斷嚎哭 ~~
可能係同事C第一次嚟香港迪士尼啦，佢好奇怪點解咁多人擔遮！？！ (包括我都係！哈！) 好曬吖嘛 ~~ 陽光勁普照啊！
我哋又睇咗獅子王 show，3D 立體show，同埋 “Thai Boxing”米奇音樂劇！ 因為啲 China 人好鐘意打尖，又喺後面狂向前推你背脊，我咪用手踭連“批”佢兩嘢，好似打緊泰拳！
我哋又見到個仔玩到嘔，真係嘔喎，我哋反而研究佢係咪食錯嘢，定係啲遊戲太刺激？
我哋又做埋 Mystery Shopper 喎，check 吓啲 staff 跟唔跟 standard 做嘢。原來唔係個個跟足，要我指住個 birthday badge 逼佢講 “Happy Birthday”， 但佢哋 suppose 要主動講囉。
同事C 送咗個軟綿绵嘅跳跳虎比我做生日禮物，睇埋煙花後我倆開開心心地歸家。
好開心！ 多謝同事C！
Post a Comment
<< Home