去飲定聚餐?

同事Novel今日出嫁, 喺金龍船擺酒. 本來要返夜o既我, 就為0左佢追更返早去飲. Novel 係我N年前第一次0黎香港做0野時, 喺"九記"o既舊同事, 亦係我宜家喺"驚High日"o既同事. 所以今晚見到好多九記o既舊同事...新舊同事, 一於 "九記""驚High日"crossover一番. 關係複雜,有如Beverly Hills and 90210 ...哈哈哈! 影相時, 我就實行一於好小理, 爭取暴光率, 不論係叫 "九記"定"驚High日", 我都lan出去影, 做個紀念.
我呢行實在好細, 就好似介紹我入"驚High日"o既大波士, 剛剛喺"驚High日"resign o既Maggie, and 已經走0左去四季o既Pheoe, 都係我喺"九記"時認識既. 除此之外, 我仲識人喺"朗豪" ~ Rose (冇去飲), 日航 ~ Edmund....and 有d已經轉0左行.
Novel宜家係做accounts既, 所以今晚佢安排0左我同"驚High日"o既Accounts同事坐. Front-of-the-house 始終同 Back-of-the-house 唔熟, 冇mud兩句, 有d悶. 但係感覺總好過,後面"九記"個兩檯咁, 直頭有d喧賓奪主, 喪飲酒, 猜十五二十同財拳, 又大聲, 又噪. 隔離個檯女家親戚仲攪0野, 全程打十三張! 大波士話好似去0左夜總會飲囉. 茄呢指數極高, 再加上d 炒散waiter好似喺馬戲團返工咁, 倒瀉茶, 拾碗變丟碗....冇比佢地潑倒都數走運!!!