三年之癢

唔知道係唔係三年之癢0既關係, 漸漸覺得返工一點意思都無. 除0左要追D好似天文數字0既 target & budget 外, 仲要客客氣氣咁面對D客, 有D仲好 cheap & 無理取鬧. 但最高程度係要每日對住成日黑口黑面0既經理. 已經穩唔到任何返工0既推動力, 同事間絕少交流, 個個都驚踩屎. 就算無踩屎都驚比經理歪曲事實, 踩多兩腳, 屈你簽 warning 0黎掩蔽佢0既無能. 佢0既態度已經受到公憤, 如果佢想要正走我0地, 佢0既目的可以好快實現.

大家姐都唔好得幾多. 心目中就只有錢, 限制多多. 放大假都要限喺 六, 七, 八月內, 其餘部門都無咁0既. 完全無人生自由. 試問我0地應該以要用mud 理由繼續做落去? 就算你每個月搞 outing 都無用 la~ 心酸!

之前同佢講話想轉換0下工作環境, 佢就表現得好積極, 又即刻登內部請人告示, 又即刻四出幫我找機會. 比0左好多option比我, 比0左好多希望我. 但經過多月0黎都請唔到人, 佢就忽然話我知, D option 個個都唔適合我, 又話因為我唔識日文 (我唔識又點有Level 30既 cert?). 咁其他人連英文都唔識, 又做得好好地. 咁辛苦做場戲比我睇, 咁表示我值得佢做呢場戲而應該高興!?! 我真的有一刻感動過, 比佢欺騙0左.

目前就覺得有D” 籠中鳥” 0既感覺. 是真的三年之癢或是我想多了?