2007 01/17-19 五百元東京兩日兩晚遊

爹D張免費西北航空機票真係超值. 比起去年奶奶帶團, 同 Gloria, 阿丁, Annie & Cherry 既東京瘋狂購物飲食遊, 我只需要加五百大元就可以由轉機變停留兩day! 雖然一個人比較寂寞D, 但有得去東京, 點都係好既.
搭最早8點幾既機去, 到達酒店check-in都已經4點幾. Freshen-up後即刻出發去新宿shopping. 第一站就選擇新宿駅南口既高島屋, Tokyo Hands, 小田急百貨店, 等等. 服裝店、手飾店，雜貨...樣樣都想要, 再加大減價...真係小D定力都破產! 第一晚收獲唔多, 只買0左兩件衫加我最愛既blink blink 手飾s. 肚餓就記起奶奶帶我樓上去My Lord樓上食既蛋包飯. 成日都無0野落肚, 念起已經流口水. 8點幾食飯時間, 要排隊等位. 食飽飽後, Lumne仲未打烊, 繼續行到10點幾至返酒店.
第二日本來打算10點起身, 結果因為張King Size床太舒服 & 忘記個一個鐘時差, 出門口時已經夠鐘食lunch. 住喺新宿當然要去食北澤回轉寿司, 話知佢菌!!! 食完就繼續進攻新宿既其餘商店. 什麼 Blue Label & Black Label...通通都唔放過. 比較失望係喺 Black Label 買0左件衫比細佬, 但境然大碼既3號都唔arm著. 奶奶, 佢地日本有沒有加大碼 gar? 下午3點幾, 時間無多, 張D戰利品寄存喺locker然後搭JR去原宿行...兩日真係唔夠!

Cool Slideshows