休息一日

今日放假, 懶懶閒諗住瞓到下午, 點知比交通部個 "Wake-up" call 噪醒 (我個電話來電鈴聲係用柯有倫首求婚事務所主題曲). 話說個晚飛的去APM, 一上車個司機境然話唔知APM喺邊, 問返我轉頭, 仲話去到先數!!! 去到接近APM時, 明明過0左龍又唔認, 扮曬魚蝦蟹話禁區唔停得. 結果佢喺頗為危險0既馬路迴旋處旁踢我落車 (雙黃線叫我落車!?!). 頂!!! 搞到我又唔見八達通(新買用0左僅僅一個月). 上次就話個5星級小偷有良心, 今次徹底的連皮套同員工證都唔見曬!!! 所以我就打電話去交通部投訴個司機!!! 車牌KS5408....大家小心~~~

橫店醒0左就起身, 睇0下電視 ~ 好彩可以睇到NBA All Star Game. 但個賽果唔係我想要0既 ~ Western Conference (即係Kobe Bryant個隊)輸0左!

睇完電視就去"攔"0下街. 本來諗住坐馬鐵先去沙田新城市幫陳先生同陳師奶問澳洲飛機票價, 點知低低BB坐錯方向去0左九龍塘.....是但啦! 反正都係想一心去BREE買0番個皮套. 原來我摯愛0既啡色油皮款式已經買少見少啦!!! 之前唔見0左個個都無得買lu. 真係可惜!!!


晚餐約0左 Gloria 同埋佢班廖太們. 哇! 一行11個人 ~ 強啊! 呢個數係我為F4演唱會前0既聯義, 又係我第一次 join 佢0地廖太0既定期聚會...好好玩!!!